كلمات صدارة محمد _حكايتي مع الايام_

حكايتي مع الأيام

نــبـدأ بـاسـم الله الواحـد الاحـــد ... ونـثـنـي بـالـرســول للرسـالة حمـاهـــا
نحكـي حكايتي مع الأيام ونعـود ... ونقــول كـلمــات نـقــصـد معـنــاهــــا
أنـــايـا مـرتـي عـلـيـا تــتـهـــدد ... وفـمـهـا لـلـكــلـمة الـزيـنـا نــســاهــــا
ولسـانـهـا بيـه الـطـول يـتـمــدد ... فـلانــة عـمــلت وفــلانـة واش أداهـــا
ويـديـهــا للــبـاطــة تــتـمــسد ... وتـبـدل في القـانا وتـديـر غير رضاهـا
والـوسـايـد الـزينا عليها تتوســد ... وتــســول عــلـى المرى واش عـماهـا
كــل يـوم ذي الأفـعـال تتـجـــدد ... وكــل يـــوم لازم تــــروح لــيـمــاهــا
أنـا ذي الـعـقـليـا عليـها متعــود ... واش نـــــديــــر الحـــق مــعــــــــاهــا
الصـمـا طـا بـيــدها تـتــوعــــد ... لو كان ما ديـرش الدار الراحة انساهـا
شـريـتــلـها دار فـيـهـا تـتـبـــرد ... وفــمـهــا تـفــتــح كــي لـخـبـر جــاهــا
لـقـيتـها للرحلة تخـمل وتــوجــد ... وـوجـهــا بــيـــه الـبـســمـــة قــطـاهــا
والـمـيمـة قـلبها دخلاني يصيهـد ... سـعـــدهـا بــولـيـدهــا راه خــطــاهـــا
مـلـي سكـنا ماشـفنا نهـار مـعيـد ... الطيـاب ماتعـرف والـمـاكــلا مـولاهــا
لـكــلمـتـهـا عـطـيـتـهـا مـتـسـيـد ... ونـدمــت عـلى النهار الي قلبي شتاهــا
بـشـلالـقي خـرجــت مـتـمــســد ... رجعـت لمـيـمـتي وطــلبــت رضـاهـــا
ولميمة بيها الفرحة تبكي وتعـدد ... رماتني في حجرها ورقدت تحت قطاها
نوصـيك ياذا الشباب المتـمرمـد ... عـــلــى الــزواج مــاكـــش مـــولاهـــا
بـسـلاسـل قـوية تعـود متــــقـيـد ... ماتـخونكش الطقلة بزينها وعقل باباهـا
النهارات الأولى على يماك تعيد ... تــحـبـلــها راســـهــا ويـدهـا مـعـاهـــا
مـلي يفـوت شهـر يـديـها تتـجمد ... وذيـك الـعــقــالــةعــقــلــها ينساهــــــا
كلمات :
صدار ة محمد