قرة عيني جاتني لخبار ...

قرة عيني جاتني لخبار عليك ***خبرا لشوم يجي على قيلة فازع
سبقتلى شوفت منام نهترف بيك *** من ليلتها خاطري منها واجع
حين ماجاني ا لفارس من اهليك ***خففت وفزيت من نومى فازع
جيت انفارس بالغصب باش نوافيك *** قصدي فيك انحدثك ولا نوادع
يخي صبتك نايمة نوم الترييك *** بكرى تتلا قايني وسط الشارع
احبابك متلايمة وتقابل فيك *** والمحمل بالعين جابوه مرابع
ناديني يازينة الوشمة مابيك *** مسبولة وحوالتك فيك الطالع
مسبولة على ليمنة مالك تحريك *** و ارقدتي لي رقدة اللي هو خادع
هذا يرقي ذاك يبكي بين يديك *** و الشدوان اللي مقيدد يضاجع
خليتهملي عشب ماهمش فريك *** والمحنة مولى شهر لسع راضع
راهم قعدوا في الغبينة من فقديك *** خايف لا يتقسموا ضرك اوزايع
ذامحب الله سبحان ماليك *** يفعل ما يريد في ملك صانع
بن صولة دير الصبرربي يهديك *** واستغفر وكون لله راجع
وسع صدرك باش يتهنا صبريك *** و ارضى بالمقدور تسمى قانع
المكتوبة وا لرشحةمرشومة عليك *** قبل الازدياد في الشهر الرابع
جرارة تفني ا لخلق ذا ك بذيك *** يبقى غير الله في ملك واسع
من ادم حتى لمحمد نبيك *** رجعت لترا ب والرمس البالع
لغوت ولقطا ب واجدا د ابيك *** ياك بعينك شفتهم ما كش سامع
ماجيتينى للبعد نتحزم ونجيك *** والله يا ونخوض البحرالمايع
ماجيتينى للطراد نموت عليك *** ولا نجيبك بين جنحيا مانع
ماجيتنى للخسارة ونفديك ***وحدة مكسوبي ولخرى بالطالع
ماجيتينى لشرع نشرع عليك *** الوكلة والبو قا طوات تشارع
جيتينى تحت الترا ب منين نجيك *** موضع حبس فيه عساس مانع
مسكن ضيق بالمقد على عبريك *** وامصقف بحجار وترابوا طالع
لاضوء ادريه لا جار مساميك *** لاشوفة بالعين لا سمع مسامع
بعد ماكنتي عيالك بين ايديك *** يتغذى من ريحتك يصبح شابع
كنتى رخمة لايحة عنهم جنحيك *** تزهاي ويزهاو وكل اخرقانع
انت صديتى والتعب راجع لابيك *** ذا مقدرو الله البصير ا لسامع
ماني بيك ولا بوكرك عامربيك *** راه قعدغيثار للمرعى مارع
بن صولة دير الصبرربي يهديك *** واستغفر وكون لله راجع
هذا الليلةما دراتش قع عليك *** ليلة سوداء مامنع منها مانع
كل ليلة تخلى مراحات نوريك *** هذا حازن ذاك بهموم دارع
مضغة مرة مايفوتها قرزيك *** حنضل والزقوم والسم اللاسع
لوتدرى ما راه في القلب نبكيك *** نبكي وانبكي العبد اللى خاشع
نحكيلك فيا ماجرى ونعيد عليك *** مجروح بجرحين والثالث نابع
لول جرح ا لقايمة بنت المليك *** زينة فعل ودين والحسن طبايع
والثاني من صحتي كما يعنيك *** ولالي عودي من العلفة ضالع
الثالث جرحي جرح لا يبليك *** قسملي قلبي على ثلث وزايع
محمحلي كبدتي واش نوريك *** مطحونة ومقسمة قع قطايع
امخبل غزلي مقاني بالتشبيك ** * متهول والسيل من راسي دامع
عقلي راح وقالي راني خاطيك *** عد ت نهوم كي العبد اللي سابع
بعد ما كنت في لعقاد انزهيك *** نستعدل ونكون في الضربة والع
شوفي يانفسي اعييت انطاوع فيك *** هانا جينا في الندم رايك خادع
قلتلك من صحبت الدنيا واخطيك ***غرارة وغرورها عنا راجع
نحسب روحي انا لجامك نحكم فيك*** ساعة نحكم فيك ساعات نطاوع
كيدك قاسى كادني ما طقت عليك *** وغلبتيني غلب لن عدت انبايع
وشتيتيلي قا المرة لاقت بيك *** محفوفة بالجد مولاها مانع
انا وحدي وانت معاك اللي يحميك *** خناس و وسواس على الجنة فامع
كذا من عباد هتكها تهتيك *** خرجها من رحمت الرب الواسع
خرجلك ربي رجا ل حكمو فيك *** هجروك وربطوك بالورع الوارع
قلتيلي مهبول ولا اختل عليك *** هذا الشي مسبوقلك وانت تابع
بخلوني من قولت السلام عليك *** ظنوني راغب في الدنيا طامع
طولي بصري وتنظر منزليك *** نكتب جوابات بالخط الواسع
وارتل بعض ا لجداول مني ليك *** بالقطو المقطور والضلع الضالع
بجاه الفراش اللي مصقف جناتيك *** والسرير المشهور اللي بيت شايع
بجاه القلم ومايكتب بقدرتيك*** تثبت كل افعال العاصي والطايع
والمجاهدين في سبيليك *** حكم على النفوس بالسيف ا لقاطع
الشباب الراجعة لطاعتيك *** الصبيان اللي يمشي واللي راضع
انا والمسلمين في جنة رضوانك *** قولوا قع امين يامن هو سامع
والصلاة على محمد نبيك *** زين التاج اللي خرج فينا شافع


كلمات الشاعر:
بن صولة