![طريقة الملفوف بالصينيه بالصور Icon](http://69.59.144.138/icon.aspx?m=blank)
![طريقة الملفوف بالصينيه بالصور Timeforteawelcomeel9](https://2img.net/r/ihimizer/img443/2968/timeforteawelcomeel9.jpg)
السلام عليكم
اليوم يايبه لكم طريقة رز الملفوف بالصينيه نسميه مفلول لانه موملفوف بورق عنب لكن مفلول بالصينيه وهذا سر التسميه الفتاكه الي بالعنوان هههههه
المهم شوفو اشلون يصيرشكله بالصينيه يممممممم
![طريقة الملفوف بالصينيه بالصور 625bbf642c4ba7279037917c7502688a](https://2img.net/h/up.hawaaworld.com/up/sites/up.hawaaworld.com/files/links/625bbf642c4ba7279037917c7502688a.jpeg)
الحين الطريقه :تجيبين بايركس وتصفين فيه طبقه من الخظار المقليه من بصل حلقات جزر حلقات طماطم باذنجان الي متوفر عندج المهم تكون كلها مقليه ومنشفه من الزيت تصفينها فوق بعض
![طريقة الملفوف بالصينيه بالصور Ae2c9fd7f99e3f4518dae452a71839d4](https://2img.net/h/up.hawaaworld.com/up/sites/up.hawaaworld.com/files/links/ae2c9fd7f99e3f4518dae452a71839d4.jpeg)
وهني ضفنا الباذنجان الموجود والي تحبينه وتشتهينه حطيه
![طريقة الملفوف بالصينيه بالصور 5bd6368ba7431bef49220e8b2b896e63](https://2img.net/h/up.hawaaworld.com/up/sites/up.hawaaworld.com/files/links/5bd6368ba7431bef49220e8b2b896e63.jpeg)
الحين نحط رز الملفوف الي كنت منزلته من قبل تحطينه فوق الخضار وترصينه عليه بالملعقه
وهذا رابط ورق العنب وفيه طريقه الرز سويه نفس الطريه المذكوره بس زيدي اشوي الماء نص كوب بعد وسري في المفلول انج تفرمين معاه كم حبه ورق عنب تقريبا خمس او7 حبات انا ساعات لما الف ورق عنب اشيل منه او يكون زايد الفه واحطه في كيس وهذا الي يعطي طعم وكأنه ورق عنب حقيقي وخليه على النار تقريبا ربع ساعه لما يقرب ينضج اشوي عشان مايطول عليكم بالفرن
![طريقة الملفوف بالصينيه بالصور 658d797d24784448e2d7d98e63172a6d](https://2img.net/h/up.hawaaworld.com/up/sites/up.hawaaworld.com/files/links/658d797d24784448e2d7d98e63172a6d.jpeg)
الحين رصي عليه حبات فلفل بارد (هذه الخطوه إختياري )حشيه من الرز نفسه ورصي جنبه بطاط حلقات مقلي وبعدين صبي عليه كوب ماء تقريبا وانا احيانا ازيد اشوي صبار يكون منقوع يعني ملعقتين ثلاث لاتكثرين وحطي اشوي ملح في هذه الرحله ليش لان الخضار يحتاج اشوي ملح بس لما تحطين ملح لاتحطين صبار الي هو (الحمر)لانه مالح حطي واحد منهم وانا نبهتكم وعلى راحتكم
بس لفيه بالقصدير وبعدين دليه الفرن وخليه على رف وسطي وتركيه وطلي عليه بعد 20دقيقه وشوفي لو احتاج ماء زيدي اشوي ولفيه وتركيه بالفرن بس كل ماتميتي طلي عليه شوفي مايه عشان مايحترق او يحككيكم يحتاج منج كل وهو بالفرن لكوبين ماء حسب الرز وحسب حرارة الفرن عندج يمكن تحتاجين اكثر يمكن اقل ليش قلت حطي كوب وتابعيه عشان تعرفين مقاسج
وهني بعد مانضج تقريبا ياخذ من 45دقيقه الى ساعه
![طريقة الملفوف بالصينيه بالصور Cd18b236b2d2a108dc1edaa8bb443363](https://2img.net/h/up.hawaaworld.com/up/sites/up.hawaaworld.com/files/links/cd18b236b2d2a108dc1edaa8bb443363.jpeg)
وهذا بعد الغرف عذاااااااااااب علينا بالعافيه هذا يصلح للعجازات سريع ونفس الطعم
خاصه سر النكهه الي هو لاتنسونه مفروم ورق العنب وساعات اسويه بدون مفروم ورق العنب هم يطلع حلو ونفس النتيجه
![طريقة الملفوف بالصينيه بالصور 3d0b23ca5010b70a382dc94e904702c5](https://2img.net/h/up.hawaaworld.com/up/sites/up.hawaaworld.com/files/links/3d0b23ca5010b70a382dc94e904702c5.jpeg)
تحياتي
ع