فرنسا قبل النجم ناسها تبكر هداد** طول الدهر مهولة ما يرتاحو

هذه الكلمات نقلتنا عن شيخ ربما كتابتها ليست كقرءاتها لكن اردت ان انقلها اليكم واكتبها فهي كلمات ل بن فرحات بن فاطيمة بن قدور بن احمد حاصل على البكالوريا في الخمسينيات وتوفي في الثمانينيات
وهي قصيدة جد رائعة وانتظرو مني قصيدة اخرى لهذا الشاعر

فرنسا قبل النجم ناسها تبكر هداد********** طول الدهر مهولة ما يرتاحو
نمل الصيف في سداه سابع ولا جراد****** فرق النحل محيوز في وسط جباحو
تتلاقط نعت النسورة في الاوهاد********** عظم الجيفة جابهم ريح فواحو
سوق الخطفة و الربا عنو تضاد*********** من قلة الايمان بالكفر شحاحو
ضيف الله محال خبرو ما ينعاد*********** لا ظن و لا دين ربي لاحو برباحو
لا باه يرضو الكريم الجواد************ كفاهم بالنار فيها يتلاحو
في ذي القرية الفاسدة ما طاب قعاد**********هجروها الاحباب والخاوة راحو
غير انا ما زال نرجى في التعاد************** حكم الباري طال عني تسراحو
امر الله ما جاب حيلة و لا عناد************ كل واحد يغدى وين ما لاحو
راني صابر للمحاين كيما راد************** ولي صابر لابد ينال صلاحو
داير تكلاني على الله في ربي شاد************* نتوسل و دموع عينبا طاحو
يا خالق كل شئ و حصاه عداد************** يا عالم الغيب عندك مفتاحو
يا من بيك دموع ورماش كماد************* يا من لا يراك لامح بلماحو
يا حمارو وجوها يوم ان تسواد************يا سكات الباكيين اذا ناحو
لا تجعلنا جوارهم قوم الحساد************** بجاه القرءان وختام لواحو
عجلي برجوع وطني نصبح صاد**************** يتنزه قلب الهموم بتطراحو
كي نصفى ناس افلو فرحي ينزاد***************ذاك البر الزين نسعد بصباحو
بر العلم والديانة و التكرار **************** كي تسمع الاذان ما زين تسباحو
والبر لي ما نختار عليه بلاد*************** هيهات اذا يكون في القطر شباحو
اهلو ناس الجود زينين الميعاد************ نطفة من قريش في الهجر وساحو
بالتحقيق ارجال خصلة و اهل زناد*************من عاداهم راح موتو بجراحو
والله ظني فيكم يا لجواد*************** لا من شفو حالنا قال ارواحو
جاني قايل في المنام علي عاد**************** الاخبار اللي تزيد للقلب فراحو
قال جيت نبشر فيك ببلوغ المراد************* وطنك قاع رضات عنك صلاحو
راع الحمرة ضمنك مولا بغداد****************** والدنداني دايرك تحت اجناحو
راهم قبلو طلبتك جامع الاجهاد************ رجال الله شور قنطاسك ماحو
سلاكين الواحلة يوم التشداد************* والمظلوم اذا حقر ذوك اسلاحو
تعيا في سبقاق لخضر زين الواد************** في طربة وايام زينا يملاحو
مني ليكم يا الخاوةذي الانشاد*********** وقولو يارب تردو لمراحو