قصيدة الشيخ متعب هليل الجلفة

قصيدة الشيخ متعب هليل الجلفة عتاب ولوم على ال فدعوس بسبب عزمهم على طرد واجلاء فخذ البهادلة من حمص0
سميت بسم الله مكون الكون =======الله كريم ودوم يلطف بحالي
بجاه اللي لقبره يزورون========= نرجي الشفاعة يوم وزن العمالي
وخلاف ذا شديت مشيه على الهون ===اجد الطريق وخل مشيك سهالي
تلفي لبيت الشيخ من حين يبنون===== زايد رهلهم وسهرهم بالليالي
خذلي رسالة بكتاب مضمون =======للقرم ابو فرحان يفهم مقالي
وسلم عليهم كلهم لايباهون =======محمد ومحمود هم الغوالي
سلم على جربوع اياك تنسون====== وباقي الرفاقة كلهم بالجمالي
وشعلمكم ياربعنا ما تريعون======= تبرجوا بالشوف قبل الزوالي
يا محمد ابو فرحان لازم تونون===== قبلن ماالسيل ياطي الحلالي
لاتشاور التياه دايم يتيهون =======شويرهم يصبح من الناس خالي
انحر صليب الراي واللي يعرفون==== مثل المجاني مأسسه من جيالي
افطن على العوكان يوم ٍ يناخون ====عدوهم تاطيه غبر الليالي
تفرقوا ربعكم وانتو تشوفون ======ما هو عمل ياشيخ خلك ضلالي
حنه مثل والله للي يمعنون =======ما تعرف ابن العم وان قال خالي
يفرض عليكم الحق انكم تجدون==== انحر حبيب الله ترى الحظ بالي
ترى الوزن كفتين للي يزينون===== لاتميل الميزان الرب عالي
وين الرشيد اللي كانوا يحكمون ===طوتهم الايام وسمر الليالي
وين المهيد اللي لعشاهم يصيحون ==لاتامن الدنيه تراها خيالي
وين السمير اللي انتو تخبرون==== وين ثم وين افهم مقالي
ما من قوي غير الله مكون الكون===ترى قوانه ضعف للي يبالي
انحر حبيب الله والحق مضمون==== مشاي ٍ بالباطل ماله توالي
يرثون للخملات اللي يعرفون===== ولا المقرد ما وراهم عمالي
وان كنكم لطريق الحق تمشون==== حنه علينه سعوها مانبالي
وحنه اللي بالعهد ما يخونون==== ونلحق بحب الله والرب عالي
افطن على الماضي انتوا تخبرون== الحق ترى ينشاف مثل الهلالي
لاتود ابن العم و ّترك الكون===== وتغض النظر وتقول ياهم لالي
ولو طشيش لابد ماتدرون====== تفرقوا بالديار من دون والي
اللي سكنوا لبنان ودهم يعيشون ==حريمهم بالحر وبرد الليالي
واللي بالاردن هناك يبقون =====جلاهم الباطل وجلا الرجالي
حميدي ابو شامان عز اللي يلفون ==زيزوم ربعن كل ابوهم فعالي
حميدي ما ينعاف عند اليعرفون=== يصبح طرودي مع الناس جالي
يامحمد جد الحظ لازم تجدون===== والجبر يا محمود يهد الجبالي
خيط عباتك ان كان تقدر تخيطون=== قبل ما يبدل جدها بالسمالي
حنه نريد الحق ولازم تطيعون ====نمشي بعهد الله ولا بغيره نبالي
لازم على المخطي كلكم تقومون=== صدق وصحيح مهو قيلن وقالي
اهل الخطا فخذين انتو تعرفون==== بالك تبدل حرامها بالحلالي
وصلاة ربي عد حجن يحجون ====وعد منبوتها والحصى والرمالي